SEJARAH KYAI GOLOK

SEJARAH KYAI GOLOK

MITURUT KELUARGA KYAI AGENG RADEN KHASAN MIMBAR

ING ANTAWISIPUN ABAD 16 – 17 MASEHI, KABUPATEN TULUNGAGUNG TAKSIH SINEBUT KADHIPATEN NGROWO. NALIKA SEMANTEN SAMPUN KATHAH WARGA INGKANG NGRASUK AGAMI ISLAM, EMANIPUN TAKSIH REKAOS MILAHAKEN ING ANTAWISIPUN SYARI’AT ISLAM KALIYAN TRADISI KUNO. PRAMILA PARA ULAMA SANGET GENTUR ANGGENIPUN SYI’AR NYEBARAKEN AJARAN AGAMI ISLAM.

TANGGAP KAWONTENAN INGKANG MEKATEN, RAJA MATARAM, SINUWUN PAKUBUWONO II, GYA PARING PARINTAH DHATENG BUPATI NGROWO, KYAI NGABEHI MANGUNDIRONO, KANTHI ALELANTAR LAYANG KEKANCINGAN, TINENGERAN DINTEN AHAD, 16 RABIUL AKHIR 1652 TAHUN JAWA, UTAWI 1727 TAHUN MASEHI SURAOSING SERAT, KEPARENG AMIJI KYAI AGENG RADEN KHASAN MIMBAR SUPADOS SYI’AR NYEBARAKEN AJARAN TUWIN NJEJEGAKEN SYARI’AT AGAMI ISLAM ING KADHIPATEN NGROWO.

UNINE KEKANCINGAN  PUNIKA “ ASESALIH INGSUN INGSIRO DIMAS KHASAN MIMBAR ING ANGATREPAKEN HUKUM NIKAH ING WONG WADON KANG DUWE WALI  LAN KANG ORA DUWE WALI, LAN ING TALAK LAN ING FAASAH LAN ING DHIKAR LAN ING LI’AN, LAN ING ILA’ LAN ING NATA, LAN ING NIKAH, LAN ING AQIDAH, LAN ING RUJU’ LAN ING KHULU’, LAN ING NGIWADL, LAN ING NGAKAWIN LAN ING ……., LAN ING KENE, LAN ING ZAKAT, LAN ING FITRAH, LAN ING WARIS, LAN ING TA’ZIR KANG METU SANGKA PERKORO KANG WUS KASEBUT NGAREP IKU MAU KABEH. AMATREPAKE HUKUM ING WONG KANG ONO ING BUMI DESA KANG PODO KERAH ING ADIKU MAS KHASAN MIMBAR KABEH “

KYAI AGENG RADEN KHASAN MIMBAR INGGIH MENIKO PUTRA SANGKING  KYAI AGENG DERPOYUDO, KYAI AGENG DERPOYUDO INGGIH MENIKO PUTRA SANGKING KYAI AGENG WIROYUDO, KYAI AGENG WIROYUDO INGGIH MENIKO PUTRA SANGKING RADEN TUMENGGUNG SONTOYUDO II, RADEN TUMENGGUNG SONTOYUDO II INGGIH MENIKO PUTRA SANGKING RADEN TUMENGGUNG SONTOYUDO I, RADEN TUMENGGUNG SONTOYUDO I INGGIH MENIKO PUTRA SANGKING RADEN MAS AYU SIGIT, RADEN MAS AYU SIGIT INGGIH MENIKO PUTRA SANGKING KANJENG RATU MAS SEKAR, KANJENG RATU MAS SEKAR INGGIH MENIKO PUTRA SANGKING SAMPEAN DALEM INGKANG SINUHUN KANJENG SUSUHAN HADI PRABU HANYOKROWATI ING MATARAM RAJA KE-II, SAMPEAN DALEM INGKANG SINUHUN KANJENG SUSUHAN HADI PRABU HANYOKROWATI ING MATARAM RAJA KE-II INGGIH MENIKO PUTRA SANGKING PANEMBAHAN SENOPATI ALIAS DANAN SUTWIJOYO ALIAS RADEN NGABEHI LORING PASAR RAJA KE-I KERAJAAN MATARAM.

KEPARA, KYAI AGENG RADEN HASAN MIMBAR KAPARINGAN WEWENGKON INGGIH PUNIKA TANAH PERDIKAN MAJAN LAN KINARYA TANDHA YEKTI PINARINGAN PUSAKA LAN SINEBUT PUSAKA KYAI GOLOK. PUSAKA KYAI GOLOK PUNIKA INGKANG KAGEM TANDHA PANGUWASA LAN SRANA DENING KYAI AGENG RADEN HASAN MIMBAR KINARYA BABAD TANAH PERDIKAN MAJAN.

KACARITA, NALIKA MENGKU WEWENGKON MAJAN, KYAI AGENG RADEN HASAN MIMBAR NATE NINDAKAKEN IBADAH HAJI DHATENG MEKKAH, LAN PUSAKA KYAI GOLOK UGI NATE KENTUN ING MEKKAH, NANGING TAN ANTARA DANGU SAKONDURIPUN, WONTEN SAWIJINING MAKHLUK INGKANG MEMPER JIN ANAMA MBAH KUMBANG ANGKLENG SOWAN ING PANJENENGANIPUN NYAOSAKEN PUSAKA KYAI GOLOK KASEBAT, TUWIN NYAOSAKEN WILAH WESI CEMENG SAKING MEKKAH AWUJUD CIS, INGKANG NGANTOS SAPUNIKA TAKSIH DIPUN GINAKAKEN DADOS PIRANTI TONGKAT KHUTBAH JUM’AT ING MASJID AL MIMBAR MAJAN.

KYAI HAJI RADEN KHASAN MIMBAR SABEN TAHUN ING WULAN MAULUD TANSAH NGANTHI KAUMIPUN WARGA MAJAN MENGGAHIPUN WARGA MASYARAKAT KADHIPATEN NGROWO NINDAKAKEN PENGETAN WIYOSANIPUN BAGINDA RASUL MUHAMMAD SAW. KANTHI MAOS AL BARJANJI TUWIN SHOLAWAT NABI. UGI KINARYA MEMETRI TANDHA PANGUWASA WEWENGKON PARINGANIPUN RAJA MATARAM, PUSAKA KYAI GOLOK UGI DIPUN WEDALAKEN, DIPUN JAMASI MAWA WEKA SHOLAWAT. TRADISI INGKANG MEKATEN LUMAMPAH TURUN MATURUN NGANTOS TITIWANCI PUNIKA.